Advertise Here !

radiation

ပုံကို ပြလို့ ကြောက်မသွားပါနဲ့။ ပုံကတော့ နည်းနည်းပိုပါတယ်။ ဒါပေမယ့် SAR rating လွန်ကဲတဲ့ ပစ္စည်းတွေနဲ့ နေ့စဉ်ထိတွေ့ လုပ်ကိုင်ရင်တော့ ပုံမှာ ပြထားတာထက်လည်း ဆိုးကောင်းဆိုးသွား ပါလိမ့်မယ်။ ဒီတော့ SAR အကြောင်းလေး မျှဝေပါရေစေ။
SAR ဆိုတာ ဘာလဲ
SAR ဆိုတာ Specific Absorption Rate ဖြစ်ပါတယ်။ ဦးနှောက်နဲ့ ခန္ဓာကိုယ်ရဲ့ တစ်ရှုး (အသားက) က လျှပ်စစ်သံလိုက်ဓာတ်အားကို ဆွဲငင်ယူတဲ့ နှုန်းထား ဖြစ်ပါတယ်။ သူ့ရဲ့ တိုင်းတာမှုက တစ်ကီလိုဂရမ်သော တစ်ရှူးဟာ လျှပ်စစ်သံလိုက်ဓာတ်အား (Electro Magnetic Wave) လှိုင်း Watt ပမာဏ ဘယ်လောက်ထိကို ဆွဲယူ စားသုံးတယ်ဆိုတာနဲ့ ဖြစ်ပါတယ်။ ဒီတော့ အင်္ဂလိပ်လို ရေးမယ်ဆိုရင် Watt/Kilogram ပါ။
ကမ္ဘာ့ မိုဘိုင်းဖုန်း ကျန်းမာရေးနဲ့ ကော်မရှင် အဖွဲ့ အနေနဲ့ မိုဘိုင်းဖုန်းတွေအတွက် အမြင့်ဆုံး SAR ကို 1.6 လို့ သတ်မှတ်ထားပါတယ်။ အဲ့ဒီထက် SAR ပိုတဲ့ မိုဘိုင်းဖုန်းများ မထုတ်ရလို့ တားမြစ်ထားတာကြောင့် Officially register လုပ်ပြီး ကမ္ဘာ အနှံ့ဖြန့်တဲ့ ဖုန်းတွေဆိုရင်တော့ စိတ်ချစွာ အသုံးပြုနိုင် ပါတယ်။
SAR ဆိုးကျိုး
SAR များရင် ဘာဖြစ်မလဲလို့ မေးကောင်းမေးချင်ပါလိမ့်မယ်။ ဟုတ်ကဲ့။ SAR တန်ဖိုး ထောင်ဂဏန်း၊ သောင်းဂဏန်းတို့ကို ဓာတ်မှန်ရိုက်တဲ့ ဓာတ်ခွဲခန်းတွေ၊ ရေဒီိယို သတ္တိကြွ ဗုံးနဲ့ လက်နက် ထုတ်တဲ့ နေရာတွေမှာ တွေ့မြင်နိုင်မှာ ဖြစ်ပါတယ်။ ဒီတော့ နေ့တိုင်း ဖုန်းသုံးနေခြင်းဟာ မိမိရဲ့ ဦးနှောက် နဲ့ ခန္ဓာကိုယ် တစ်ရှူးစများကို Electromagnetic wave စားသုံးခွင့်ပေးထားခြင်း ဖြစ်ပါတယ်။
SAR က ဘာ အကျိုးပြုသလဲ
သူ့အနေနဲ့ ဖုန်းအားနည်းရင် radiation ပိုများသလားလို့ မေးကြပါတယ်။ အဲ့ဒါတော့ မသိပါ။ ဒါပေမယ့် ဖုန်းနဲ့ ဖုန်းလိုင်း ဆက်သွယ်ရာ တာဝါတိုင်နဲ့ ဝေးလေလေ Radtion များလေလေ ဖြစ်ပါတယ်။ SAR က ဘာကို အကျိုးပြုသလဲ ဆိုတော့ ဆက်သွယ်ရေး wave ကို ပိုလို့ သန်မာစေဖို့ ဖြစ်ပါတယ်။ တစ်နည်းအားဖြင့် ပြောရင် SAR မြင့်တဲ့ ဖုန်းတွေက နိမ့်တဲ့ဖုန်းတွေထက် များသော အားဖြင့် ဖုန်းလိုင်းဆွဲအား ကောင်းပါလိမ့်မယ်။ ဒါကြောင့်မို့ အရင်က ကီးဘုတ်ဖုန်းတွေ၊ တရုတ်ပြည်လာ ကီးဘုတ်နဲ့ အခြားသော brand လူသိနည်း ဖုန်းတွေ လိုင်းဆွဲအား ကောင်းခြင်းပါ။ ဒီတော့ SAR က 1 လို့ ဖုန်းမှာ ပါထားရင် သူ့အနေနဲ့ base station နဲ့ အရမ်းဝေးနေရင် value 1 အထိ radiation လွတ်ပြီး အဲ့ဒီထက်လွတ်ရင် လိုင်းပိုဆွဲမှာ ဖြစ်ပေမယ့် သူ့အနေနဲ့ ကျန်းမာရေးထိခိုက်မှာ ဖြစ်တာကြောင့် လိုင်း ဆွဲခွင့် မပေးတော့ ပါဘူး။ ဒါကြောင့်မို့ No Service ဖြစ်နေတာကို ဖုန်းထုတ်သူကိုပဲဖြစ်ဖြစ် ကျေးဇူးတင်ကောင်း တင်ရပါလိမ့်မယ်။
SAR ထိခိုက်မှု နည်းအောင် ရှောင်နည်း၊ သုံးနည်း
SAR rate absorption ကို head နဲ့ body ဆိုပြီးတော့ နှစ်မျိုးခွဲထားပါတယ်။ အကြောင်းကတော့ ဖုန်းပြောနေမှ မဟုတ်ပဲ ဘော်ဒီ အိတ်ကပ်တစ်ခုခုထဲ ထည့်ထားတာမျိုး၊ အိပ်ယာဘေးမှာ ထားတာမျိုးတို့ကလည်း ထိခိုက်လို့ပါ။ iPhone ဆိုရင် 5mm ခြားပြီး ဖုန်းပြောစေဖို့ အကြံပေးပါတယ်။ အကယ်၍ ထိခိုက်မှု အသက်သာဆုံး ဖြစ်ချင်တယ်ဆိုရင် နားကြပ် တပ်ပြောခြင်း သို့မဟုတ် စပီကာ ဖွင့်ပြောခြင်းတို့ လုပ်ဖို့ အကြံပေးပါတယ်။ bluetooth နားကြပ်နဲ့ ပြောမယ်ဆိုရင်လည်း ရပါတယ်။ ဒါပေမယ့် bluetooth နားကြပ်ဝယ်တဲ့အခါလည်း SAR ဘယ်လောက်ရှိတယ်ဆိုတာ ဗူးမှာ သေချာ စစ်ကြည့်ပါ။ များသောအားဖြင့်ကတော့ သူက ဖုန်းတွေထက် နည်းပါတယ်။ ဒါနဲ့ SAR ဆိုတာ ဖုန်းမှာပဲ ထွက်တာ မဟုတ်ပါဘူး။ လူတို့ နေ့စဉ်သုံးတဲ့ အီလက်ထရောနစ် ပစ္စည်းတိုင်းက ထွက်ပါတယ်။ သူတို့ကလည်း ကျန်းမာရေး ဆိုင်ရာ authority အသိအမှတ်ပြု limit ကို မကျော်ပါဘူး။ မီးဖို၊ အဲကွန်း၊ တီဗီ အစရှိသဖြင့်တို့လည်း ပါဝင်ပါတယ်။
SAR အနည်းအများ စစ်နည်း
ဒီတော့ မစိုးရိမ်ပါနဲ့..။ ဖုန်းတွေ သုံးမယ်ဆိုရင် Branded တွေကို သုံးခြင်းဖြင့် SAR limit အောက်မှာ ရှိနိုင်ပါတယ်။ ဒါက အလွယ်နည်း ပြောလိုက်တာပါ။ SAR value ကို စစ်တဲ့ နည်းလမ်း ရှိပါတယ်။ USSD Code သုံးရမှာပါ။
*#07# ကို ရိုက်ပြီးတော့ ဖုန်းခေါ်ပါ။ SAR value ကို ဖော်ပြ ပါလိမ့်မယ်။ iPhone ဆိုရင် SAR Value အတွက် ဝဘ်ဆိုဒ်တစ်ခုကို ညွန်းပါလိမ့်မယ်။
ဥပမာအားဖြင့် –
iPhone 6:>> 1.59 W/kg
LG G3:>> 0.99 W/kg
LG G2:>> 1.44 W/kg
Samsung Galaxy Note 2:>> 0.42 W/kg
Samsung Galaxy Note 3:>> 1.07 W/kg
Samsung Galaxy Note 4:>> 1.20 W/kg
Samsung Galaxy S5:>> 1.28 W/kg
HTC One (M8):>> 1.29 W/kg
အသီးသီး ရှိပါတယ်။ မိုဘိုင်းကျန်းမာရေး အသိရှိစေဖို့ ရေးသား မျှဝေပေးလိုက်ရ ပါတယ်။
.
အောင်ခမ်း (MMAS)

အဆင်ပြေပါစေ..

မောင်ပေါက်< Knowledge Note >
www.maungpauk.org



Axact

MaungPauk

အပမ်းမကြီးရင် ကြော်ငြာလေးတွေ နှိပ်ခဲ့စေချင်ပါတယ်..

Post A Comment:

0 comments:

Please click on advertisement !