Advertise Here !

စမတ်ဖုန်း အသုံးပြုသူတိုင်း ရင်ဆိုင်နေရတဲ့ အခက်အခဲ တစ်ခုကတော့ ဖုန်း ဘက်ထရီ သက်တမ်းပဲ ဖြစ်ပါတယ်။ တစ်ခုခုကို စိတ်ဝင်တစား အသုံးပြုနေရင်း ဖုန်း ဘက်ထရီ ကုန်သွားလို့ စိတ်ပျက်နေရမှုတွေကို ဖြေရှင်းဖို့အတွက် ဖုန်းဘက်ထရီရဲ့  အသက် ကို ငဲ့ညှာရပါလိမ့်မယ်။

ဘက်ထရီအားလုံး ရဲ့  အကြောင်းကို ရှင်းလင်းသင်ကြားပေးတဲ့ အင်တာနက် တက္ကသိုလ် တစ်ခုဖြစ်တဲ့ Battery University က ပြုလုပ်ခဲ့တဲ့ လေ့လာမှု အသစ်တစ်ခုအရ လူတွေဟာ မှားယွင်းတဲ့ ဘက်ထရီ အားသွင်းနည်းတွေကို အသုံးပြုပြီး ဘက်ထရီရဲ့  အသက်ကို ဖြိုခွင်းနေကြတယ်လို့ ဆိုထားပါတယ်။ လူအများစု သိထားကြတာက ဖုန်းထဲက အက်ပလီကေးရှင်းတွေ ဆက်တိုက် အသုံးမပြုတော့ခြင်းနဲ့ မျက်နှာပြင်တောက်ပမှုတို့ကို ချိန်ညှိုခြင်းတို့က ဖုန်းဘက်ထရီ ရဲ့  အသက်ကို သက်တမ်းရှည်ကြာစေတယ်လို့ ထင်ကြပေမယ့်လည်း ဖုန်းအားသွင်းနည်းတွေကလည်း ထိရောက်မှု ရှိစေနိုင်ပါတယ်။
Battery University က ပြောပြခဲ့တဲ့ သင့် စမတ်ဖုန်းကို အားသွင်းသင့်တဲ့ နည်းလမ်းတွေကတော့ 
- သင့်ဖုန်းဟာ အားပြည့်အောင်သွင်းပြီးနေပြီဆိုရင် အားသွင်းစက်ကနေ ဖယ်ရှားလိုက်ပါ။ အားပြည့်ပြီးသားကို ဆက်ပြီး အားသွင်းနေခြင်းဟာ ဘက်ထရီရဲ့  အသက်ကို ထိခိုက်စေပါတယ်။ 
- နောက်တစ်ခုကတော့ သင့်ဖုန်းကို ၁၀၀ ရာခိုင်နှုန်း အားပြည့်နေအောင် အားမသွင်းထားပါနဲ့။ ဗို့အားမြင့်မားမှုဟာ ဘက်ထရီကို ဖိအားတစ်ခုဖြစ်စေနိုင်တာကြောင့်ပါ။
- ဖုန်းအားသွင်းတဲ့အချိန်မှာ အားသွင်းစက်နဲ့ ဖုန်းတို့ဟာ အပူချိန်လွန်ကဲနေလို့မရပါဘူး။ အပူချိန် ၊ အအေးချိန် တို့လွန်ကဲခြင်းဟာ ဖုန်းဘက်ထရီရဲ့  အားသွင်းနိုင်စွမ်းကို လျော့ကျစေပါတယ်။
- ဖုန်းအားသွင်းချိန်ကို အကြာကြီးမထားပါနဲ့။ တစ်နေကုန် ခဏခဏ သွင်းတာက ပိုကောင်းပါတယ်။ သုတေသီတွေပြောပြခဲ့ဖူးတာက ဖုန်းဘက်ထရီ သက်တမ်း ၁၀ ရာခိုင်နှုန်းလောက် လျော့ကျသွားတိုင်း အားပြန်သွင်းပေးတာ ဘက်ထရီကို ကြာရှည်ခံစေတယ်လို့ ဆိုခဲ့ဖူးပါတယ်။
ဖုန်းအား ကို ကြာရှည်ခံစေဖို့အခြားလုပ်နိုင်မယ့် အရာတွေကတော့ notification ၊ location ၊ Wi-Fi နဲ့ အလိုလျောက် ဒေါင်းလုဒ် ပြုလုပ်မှုတွေကို ရပ်နားထားဖို့ပဲ ဖြစ်ပါတယ်။ နောက်တစ်ခုကတော့ အက်ပလီကေးရှင်းတစ်ခုကို သုံးပြီးတိုင်း Close ပြန်လုပ်ပါ။ ဥပမာ - သင်ဟာ Facebook အက်ပလီကေးရှင်းကနေ Log Out ပြုလုပ်လိုက်ရုံနဲ့ အဲဒီ အက်ပလီကေးရှင်းဟာ ဖုန်းရဲ့  လုပ်ဆောင်ချက်ထဲက မထွက်သွားသေးပါဘူး။ Background မှာ ဆက်ပြီး လုပ်ဆောင်နေပါတယ်။ အဲဒါကြောင့် အက်ပလီကေးရှင်းတစ်ခုကို အသုံးပြုပြီးတိုင်း အပြီးသတ် ပိတ်လိုက်ဖို့ ကြိုးစာ့းပါ။
Ref:starpulse http://www.trend.com.mm/


အဆင်ပြေပါစေ..

မောင်ပေါက်< Knowledge Note >
www.maungpauk.org



Axact

MaungPauk

အပမ်းမကြီးရင် ကြော်ငြာလေးတွေ နှိပ်ခဲ့စေချင်ပါတယ်..

Post A Comment:

0 comments:

Please click on advertisement !