လှုပ်လှုပ်ခတ်ခတ် ဖြစ်စေခဲ့တဲ့ ပထမဆုံး Google မူပိုင်စမတ်ဖုန်းများ


 ၂၀၀၈ ခုနှစ်တုန်းက Goo−gle ဟာ G1 မိုဘိုင်းဖုန်းကို မိတ်ဆက်ခဲ့ပါတယ်။ အဲဒီအချိန်တုန်းကတော့ Android OS ကို အသုံးပြုထားတဲ့ ဖုန်းတစ်လုံးဟာ နည်းပညာသမိုင်းမှာ အထင်ကရမှတ်တိုင်တစ်ခု ဖြစ်ခဲ့မယ်လို့ ဘယ်သူမှ မတွေးမိခဲ့ပါဘူး။ G1 ကို လူသိပ်မသိပေမယ့် ဒီဖုန်းနဲ့ တွဲဖက်ပြီး အစပြုခဲ့တဲ့ Android OS ကတော့ လက်ရှိ ကမ္ဘာပေါ်မှာ လူသုံးအများဆုံး မိုဘိုင်း OS အဖြစ် ရပ်တည်နေပါပြီ။

အခုတော့ Google ဟာ Pixelမျိုးနွယ် ဖုန်းနှစ်လုံးကို ကုမ္ပဏီရဲ့ပထမဆုံး မူပိုင်ဖုန်းတွေအဖြစ်ထုတ်လုပ်လိုက်ပြန်ပါပြီ။ ဒီဖုန်းတွေကကော Google ရဲ့ သမိုင်းသစ် ဖြစ်လာမှာလား။ ဒါဟာ စိတ်ဝင်စားစရာ မေးခွန်းပါပဲ။

Google ဟာ Android OS ကိုစမတ်ဖုန်း ကုမ္ပဏီ အများအပြားအသုံးပြုနိုင်မယ့် Open-Sourceအနေနဲ့ ဖန်တီးခဲ့တာဖြစ်ပါတယ်။ Android OS ကို အခြေခံပြီးSamsung၊ LG နဲ့ Sony တို့လိုစမတ်ဖုန်းကုမ္ပဏီတွေ အပြိုင်းအရိုင်း အောင်မြင်လာတယ်။Android OS ဆီ အပြောင်းအလဲလုပ်ဖို့ နှောင့်နှေးခဲ့တဲ့ Nokia လိုကုမ္ပဏီဟာ ကမ္ဘာ့အကြီးဆုံး မိုဘိုင်းဖုန်း ကုမ္ပဏီဆိုတဲ့ ဂုဏ်ပုဒ်ကို စွန့်လွှတ်လိုက်ရတဲ့အပြင် အကြီးအကျယ် အခြေအနေဆိုးသွားတယ်။ ဒါဟာ Android OS ရဲ့စမတ်ဖုန်း လောကမှာ သက်ရောက်မှု ကြီးမားပုံကို သိသာထင်ရှားစေခဲ့ပါတယ်။

Google ဟာ အောင်မြင်တဲ့ စမတ်ဖုန်း OS ကို ထုတ်လုပ်ခဲ့ပေမယ့် ကိုယ်ပိုင်အမှတ်တံဆိပ်နဲ့ စမတ်ဖုန်းတွေတော့ ဘယ်တုန်းကမှ မထုတ်လုပ်ခဲ့ဖူးပါဘူး။

Nexus စီးရီးတွေမှာ Google ရဲ့တံဆိပ်ကို ထည့်သွင်းထားပေမယ့် Hardware ပိုင်း ပံ့ပိုးမှုပေးတဲ့ Asus၊ HTC တို့လို ကုမ္ပဏီတွေရဲ့ ကိုယ်စားပြုသင်္ကေတတွေလည်း ပါရှိနေပါတယ်။ အောက်တိုဘာ ၄ ရက်မှာ စတင်မိတ်ဆက်လိုက်တဲ့ Pixel နဲ့ Pixel XL တို့ကိုတော့ HTC က ပံ့ပိုးတည်ဆောက်ပေမယ့် Google အမှတ်တံဆိပ် တစ်ခုတည်းက ကိုယ်စားပြုမယ့် ပထမဆုံးဖုန်းတွေဖြစ်လာပါတယ်။

တစ်နည်းအားဖြင့် OS ပိုင်း ရော၊ Hardware ပိုင်းကိုပါ Google က အဓိကတာဝန်ခံမယ့်ခြေလှမ်းသစ်လို့လည်း ဆိုနိုင်ပါတယ်။ ဒီအချက်က အခုဖုန်းအသစ်တွေနဲ့ ပတ်သက်ပြီး အဓိကစိတ်ဝင်စားစရာ ညှို့ငင်မှု ဖြစ်နေခဲ့ပါတယ်။
‘‘Pixel, A Phone by Google’’ ဆိုတဲ့ ဆောင်ပုဒ်နဲ့ မိတ်ဆက်လာတဲ့ ဖုန်းအသစ်တွေမှာ Pixel က ၅ လက်မအရွယ်၊ Pixel XL က ၅ ဒသမ ၅ လက်မအရွယ် Screen တွေကို အသီးသီးအသုံးပြုထားတယ်။ ပြီးတော့ Google ရဲ့ အမှတ်တံဆိပ် ဒီဇိုင်းသစ်ဖြစ်လာတဲ့ G ပုံသဏ္ဌာန်ကိုလည်း ဖုန်းကိုယ်ထည် အနောက်ပိုင်းမှာ ရိုက်နှိပ်ထားတာကို တွေ့ရပါတယ်။ Nexus မှာတုန်းကလိုတခြားကုမ္ပဏီတွေရဲ့ အထောက်အပံ့ကို မယူတော့ဘဲ Pixel ကိုကိုယ်ပိုင်ဒီဇိုင်းနဲ့ ထုတ်လုပ်တည်ဆောက်ကြောင်း Google က ဆိုညွှန်းချင်တဲ့သဘောပါ။ Nexus စီးရီးတွေတုန်းကတော့ Google အနေနဲ့ အဆင့်အမြင့်ဆုံး စွမ်းဆောင်ရည်တန်းဆီဘယ်တုန်းကမှ ထဲထဲဝင်ဝင် မချဉ်းကပ်ခဲ့ပါဘူး။ တန်ဖိုးနည်း၊ တန်ဖိုးလတ်စမတ်ဖုန်းတွေကိုသာ အားပြုပြီး ဈေးကွက်ထဲ ဝင်ရောက်ခဲ့တာ ဖြစ်ပါတယ်။ ပြီးခဲ့တဲ့ နှစ်လယ်က ထုတ်လုပ်ခဲ့တဲ့ Nexus 5S၊ ပိုကောင်းတဲ့ Nexus 6P တို့နဲ့ ကွဲပြားစွာပဲ Pixel ဖုန်းအသစ် နှစ်ခုစလုံးဟာ ထိပ်တန်းစွမ်းဆောင်ရည်နဲ့ လှုပ်လှုပ်ခတ်ခတ်ဖြစ်စေခဲ့တဲ့ ပထမဆုံး Google မူပိုင်စမတ်ဖုန်းများ Daydream ViewVR Headset ကို ဂူးဂဲလ်ထုတ်ဖော်ပြသမော်ဒယ်တွေ ဖြစ်ပါတယ်။ Google ဟာ Apple ရဲ့ iPhone တွေနဲ့ Samsung ရဲ့ တန်းမြင့် GalaxyS စီးရီးတွေကို ယှဉ်ပြိုင်ဖို့ ဒီဖုန်းတွေကို ဖန်တီးခဲ့တာပါ။

    ဖုန်းနှစ်လုံးစလုံးကို နာမည်ကျော် Qualcomm Snapdragonကုမ္ပဏီရဲ့ Quad-Core Processor တွေနဲ့ မောင်းနှင်စေတယ်။ Qualcomm Snapdragon 821 Processor မှာ Core လေးခု ပါဝင်ပြီး စွမ်းဆောင်ရည်မြင့် 2.15GHz Core နှစ်လုံးရယ်၊ ဘက်ထရီသုံးစွဲမှု ပိုမိုလျော့နည်းတဲ့ 1.6GHz Core နှစ်လုံးရယ်ကို ပေါင်းစပ်ထားပါတယ်။

ဒီProcessor မှာ Qualcomm ရဲ့ Hexagon နည်းပညာသစ်ကို ထည့်သွင်းထောက်ပံ့ပေးထားပြီး ဖုန်းရဲ့ ပုံရိပ်ဖော်မှုနဲ့ အသံအရည်အသွေးတွေမှာပါ ပိုကောင်းတဲ့ ပေါင်းစပ်အားဖြည့်မှုမျိုး ရရှိစေမယ်လို့ ဆိုပါတယ်။

ဖုန်းတွေရဲ့ Screen ကိုတော့ OLED နည်းပညာ အသုံးပြုတည်ဆောက်ထားတယ်။ သိုလှောင်မှုပမာဏက 32GB နဲ့ 128GB တို့ကိုရွေးချယ်နိုင်ပြီး စွမ်းဆောင်ရည်အတွက်တော့ 4GBRAM အထောက်အပံ့နဲ့ အားပေး ပံ့ပိုးထားတာကို တွေ့ရပါတယ်။ ဖုန်းရဲ့ နောက်ဘက်မှာတော့ လက်ဗွေဖတ် လုံခြုံရေးစနစ်တစ်ခုကို တပ်ဆင်ပေးထားတယ်။ ဖုန်းရဲ့ကိုယ်ထည်အရောင်တွေမှာတော့ ငွေရောင်၊ အနက်ရောင်နဲ့ အပြာရောင်တေကွို ရွေးချယ်နိုင်မယ်လို့ Google က ကြေညာထားပါတယ်။

ဆန်ဖရန်စစ္စကိုမှာ ပြုလုပ်တဲ့ အထူးမိတ်ဆက်ပွဲမှာ Google က ဖုန်းအသစ်တွေဟာ ကုမ္ပဏီရဲ့ကမ္ဘာကျော် အင်တာနက်ရှာဖွေရေး ဝန်ဆောင်မှုတွေနဲ့ ချိတ်ဆက်ပြီး အသုံးပြုသူတွေအတွက် အရမ်းအဆင်ပြေမယ့် ကူညီထောက်ပံ့မှုတွေ ပြုလုပ်ပေးနိုင်ဖို့ ရည်ရွယ်ထားကြောင်း ပြောကြားခဲ့ပါတယ်။ Google ဟာ Pixel နဲ့ Pixel XL တို့ကို ရေရှည်မဟာဗျူဟာ ထုတ်ကုန်တစ်ခုအနေနဲ့ပါ လေးလေးနက်နက် အာရုံစိုက်ထားကြောင်း သိသာပါတယ်။ ဖုန်းတွေနဲ့ တွဲဖက်အသုံးပြုနိုင်မယ့် အိမ်သုံးစမတ် Gadget တွေကိုပါ တစ်ပါတည်း မိတ်ဆက်ခဲ့တာကြောင့်ပါ။

Google ဟာ ၁၂၉ ဒေါ်လာတန် Google Home ဆိုတဲ့ စမတ်စပီကာတွေကိုလည်း ပွဲထုတ်ခဲ့ပါတယ်။ ဒီစပီကာဟာ ဖျော်ဖြေရေးအတွက် သမားရိုးကျစပီကာတစ်ခုအနေနဲ့သာမကဘဲ ပုဂ္ဂိုလ်ရေးအထောက်အကူ နည်းပညာGadget တစ်ခုအနေနဲ့ပါ အသုံးဝင်မှာ ဖြစ်ပါတယ်။ ဈေးကွက်ထဲမှာတော့ Amazon ရဲ့ Echo လိုပြိုင်ဘက်မျိုးနဲ့ ထိပ်တိုက်တွေ့မယ့် အလားအလာ ရှိနေတယ်။

ပြီးတော့ Pixel ဖုန်းတွေကိုရှေ့ဘက်မျက်နှာစာမှာ ထည့်သွင်း အသုံးပြုနိုင်မယ့် VR ခေါင်းဆောင်း တစ်မျိုးကိုလည်း မိတ်ဆက်ခဲ့ပါတယ်။ ၇၉ ဒေါ်လာတန်ဒီခေါင်းဆောင်းဟာ ဈေးကွက်ထဲမှာ Samsung ကို ထိခိုက်မှုတွေဖြစ်လာစေနိုင်တယ်လို့ လေ့လာသူတွေက ဆိုတယ်။ Google ဟာ၁၂၉ ဒေါ်လာတန် Wifi Router အသစ်တစ်မျိုးနဲ့ ၄၉ ဒေါ်လာတန် Chromecast Ultra TV Streaming ဝန်ဆောင်မှုတွေရောင်းချမယ့် အစီအစဉ်တွေကိုပါ တစ်ပါတည်း မိတ်ဆက်သွားခဲ့တာကို တွေ့ရပါတယ်။

    Pixelနဲ့ Pixel XL တို့ဟာအလူမီနီယမ်ဖန်သားနဲ့ အုပ်မိုးကာကွယ်ထားတဲ့ ကိုယ်ထည်တွေကို အသုံးပြုတည်ဆောက်ထားတယ်။ Gorilla Glass န့ဲ AMOLEDScreen တွေဟာ ကြည်လင်ပြတ်သားတဲ့ Resolution မြင့်ပုံရိပ်တွေကို ဖော်ပြပေးနိုင်မှာ ဖြစ်တယ်လို့ဆိုတယ်။ USB Type-Cနဲ့ 3.5mm Headphone Jackလို အထောက်အပံ့တွေကိုလည်းထည့်သွင်းပေးထားပြီး မြန်နှုန်းမြင့် အားသွင်းစနစ်လည်း ပါဝင်တယ်။ ခုနစ်နာရီကြာ အသုံးပြုပြီးရင် ဖုန်းကို ၁၅ မိနစ်အတွင်း အားအပြည့် ပြန်သွင်းနိုင်မယ်လို့ Google က အာမခံထားပါတယ်။

ဖုန်းတွေရဲ့ နောက်ဘက်ကင်မရာကတော့ 12.3 megapixel အရည်အသွေးရှိပြီး Selfie နဲ့ Video Chat အတွက်တော့ 8 megapixel ကင်မရာတွေ ပါရှိတယ်။ နောက်ဘက်ကင်မရာမှာတော့ ပုံရိပ်အရည်အသွေးကို မြှင့်တင်မယ့် Software အထောက်အပံ့ကို အားဖြည့်ပံ့ပိုးထားပါသေးတယ်။ Pixel ဖုန်းတွေရဲ့ ကင်မရာဟာ နောက်ဆုံးထုက် iPhone 7 ထက် အရည်အသွေးသာလွန်မယ်လို့ Google က ကြေညာထားတယ်။ ကင်မရာနှစ်လုံးစလုံးက Full HD ဓာတ်ပုံနဲ့ ဗီဒီယိုတွေ ရိုက်ယူနိုင်မယ်လို့ ဆိုပါတယ်။ ဖုန်းရဲ့ သိုလှောင်မှုကန့်သတ်ချက်ကိုကျော်လွန်သွားရင်လည်း အွန်လိုင်းမှာ အခမဲ့သိမ်းဆည်းထားမယ့် ဝန်ဆောင်မှုကိုလည်း Google က ဖြည့်တင်းပေးထားတယ်။

Pixel တွေဟာ အဆင့်မြင့်စမတ်ဖုန်းတွေအဖြစ် ပီပီပြင်ပြင်ရုပ်လုံးပေါ်ခဲ့ပြီး ဒီဇိုင်းပိုင်းနဲ့ စိတ်ကူးစိတ်သန်းပိုင်းမှာ ချီးကျူးမှုတွေခံရပေမယ့် စင်းလုံးချော ကျေနပ်စရာတော့ မဟုတ်ဘူးလို့ ထောက်ပြသူတွေလည်း ရှိနေတယ်။ ဖုန်းတွေက Android OS သုံး ပြိုင်ဘက် အများစုထက်ဈေးကြီးလွန်းနေတယ်။ iPhone 7 နဲ့ Galaxy S7 တနို့ဲ ဈေးနနှုးတန်းတူလောက်ဖြစ်နေတယ်။ ဒါဟာ ထုတ်ကုန်သစ်တစ်ခုအနေနဲ့တော့ ရဲတင်းလွန်းတဲ့ အဖွင့်ခြေလှမ်းပါ။ Pixelရဲ့ 32GB ဖုန်းက ၆၄၉ ဒေါ်လာဈေးသတ်မှတ်ထားပြီး 128GB မော်ဒယ်ကတော့ ၇၄၉ ဒေါ်လာပါ။ Pixel XL တွေမှာတော့ 32GB နဲ့ 128GB တွေကို ၇၆၉ ဒေါ်လာနဲ့ ၈၆၉ ဒေါ်လာတွေ အသီးသီးဈေးသတ်မှတ်ထားတာကို တွေ့ရပါတယ်။

တည်ဆောက်ပုံ အချိုးကျလှပပြီး စွမ်းဆောင်ရည်မြင့် ပစ္စည်းတွေကို အသုံးပြုထားပေမယ့် ရေစိုခံနိုင်စွမ်း မရှိတာကလည်း မေးခွန်းထုတ်စရာ အချက်တစ်ခုပါ။ Samsung နဲ့ Apple ရဲ့နောက်ဆုံးပေါ် စမတ်ဖုန်းတွေက ဒီအတားအဆီးကို ကျော်ဖြတ်ခဲ့ပြီးဖြစ်ပါတယ်။ ပြီးတော့ လက်ဗွေဖတ်စနစ်ကို ဖုန်းနောက်ဘက် ပို့ထားတဲ့ စိတ်ကူးအပေါ် မေးခွန်းထုတ်မှုတွေလည်း ရှိနေတယ်။

ဘာပဲဖြစ်ဖြစ် Google ရဲ့ပထမဆုံးသော ကိုယ်ပိုင်အမှတ်တံဆိပ် စမတ်ဖုန်းတွေဟာ လူအများကို စိတ်ဝင်စားသွားအောင်ဆွဲဆောင်နိုင်ခဲ့တာ အမှန်ပါပဲ။ပြီးတော့ စမတ်ဖုန်းနည်းပညာလောကမှာ ပြိုင်ဆိုင်မှု ပိုပြင်းထန်လာစေမယ့် ဝင်ရောက်လာမှု အနေနဲ့လည်း ကြိုဆိုရပါမယ်။ Pixel ဖုန်းမျိုးဆက်တွေဟာ Google ရဲ့စမတ်ဖုန်း နည်းပညာရေစီးကြောင်းမှာ ခမ်းနားတဲ့ အချိုးအကွေ့ သမိုင်းမှတ်တိုင်တစ်ခု ဖြစ်လာစေမှာလားဆိုတဲ့ မေးခွန်းကိုတော့ အချိန်ကပဲ အဖြေပေးသွားမှာ ဖြစ်ပါတယ်။

Credit : 7Day Daily

အဆင်ပြေပါစေ..

မောင်ပေါက်< Knowledge Note >
www.maungpauk.org





လှုပ်လှုပ်ခတ်ခတ် ဖြစ်စေခဲ့တဲ့ ပထမဆုံး Google မူပိုင်စမတ်ဖုန်းများ Title : လှုပ်လှုပ်ခတ်ခတ် ဖြစ်စေခဲ့တဲ့ ပထမဆုံး Google မူပိုင်စမတ်ဖုန်းများ
Description :  ၂၀၀၈ ခုနှစ်တုန်းက Goo−gle ဟာ G1 မိုဘိုင်းဖုန်းကို မိတ်ဆက်ခဲ့ပါတယ်။ အဲဒီအချိန်တုန်းကတော့ Android ...
Rating : 5

Post a Comment

Download လုပ်ဖို့ Link ကိုနှိပ်ရင် adf.ly or adfoc.us တစ်ခုခုကိုရောက်မယ်.. ညာဘက်အပေါ်ထောင့်နားမှာ 5/6 စက္ကန့်စောင့်ပြီးရင် SKIP AD သို့မဟုတ် Skip ကိုနှိပ်ရပါမယ်.. ဒါဆိုရင် ဖိုင်တင်ထားတဲ့လင့်ကိုရောက်ပါပြီ... အဆင်မပြေတာများအတွက် Comment ပေးခဲ့ပါ.