အောင်မြင်ခြင်း လမ်းမပေါ်က အကြောက်တရားများ..



အကြောက်တရားဆိုတာ နေရာတိုင်းမှာရှိပါတယ်။ ဒါပေမယ့် ဒီကြောက်တဲ့စိတ်ကို ရင်မဆိုင်ဘဲ ရှောင်ပုန်းနေမယ်ဆိုရင် အကြောက်တရားတွေက ကိုယ့်ကို ခြောက်လှန့်နေပါလိမ့်မယ်။ အောင်မြင်မှုကိုသွားတဲ့ လမ်းမတွေပေါ်မှာလည်း အောင်မြင်သူတိုင်း ရင်ဆိုင်ခဲ့ရတဲ့ အကြောက်တရားတွေ ရှိပါတယ်။ ဒီအကြောက်တရားတွေကို မကျော်လွှားခဲ့ဘဲ အောင်မြင်မှုလမ်းမပေါ်ကို သက်တောင့်သက်သာ လျှောက်လှမ်းလို့မရနိုင်ပါဘူး။

(၁) ဝေဖန်ခံရခြင်း။

အောင်မြင်ချင်တဲ့သူဟာ ဝေဖန်ခံရမှာကို ကြောက်လို့မဖြစ်ပါဘူး။ အောင်မြင်ဖို့ ကြိုးစားနေပြီဆိုကတည်းက လူတိုင်းရဲ့ သဘောတူထောက်ခံမှုရဖို့ မလွယ်ပါဘူး။ ဘာလို့လဲဆိုတော့ အောင်မြင်ဖို့ဆိုရင် ကိုယ့်ယုံကြည်ချက်ကို ကိုယ်မြဲမြဲဆုပ်ကိုင်ထားရပါတော့မယ်။ ဒီယုံကြည်ချက်ဟာ လူတိုင်းနဲ့လဲ သဘောထားချင်း တိုက်ဆိုင်ချင်မှ တိုက်ဆိုင်ပါလိမ့်မယ်။ ဒီတော့ ဝေဖန်ခြင်းကို ခံနိုင်ရည်ရှိဖို့လိုပါတယ်။ ကိုယ်ရွေးချယ်ထားတဲ့လမ်းဟာ ကိုယ့်မိဘ၊ အသိုင်းအဝိုင်း၊ ပတ်ဝန်းကျင်ရဲ့ ဝေဖန်မှုကိုခံရနိုင်လို့ မလျှောက်လှမ်းဖူးဆိုရင်တော့ သင်လိုချင်တဲ့ပန်းတိုင်ရဲ့ အောင်မြင်မှုဟာ သင်နဲ့ဝေးနေဦးမှာပဲဖြစ်ပါတယ်။

(၂) ဆင်းရဲမှာကြောက်ခြင်း။

အောင်မြင်ချင်တဲ့သူတိုင်းဟာ ထိုက်သင့်တဲ့ ငွေကြေးရပိုင်ခွင့်တွေ၊ ချမ်းသာချင်စိတ်တွေရှိတာ သဘာဝကျပါတယ်။ ဖြစ်လည်း ဖြစ်သင့်ပါတယ်။ ဒါပေမယ့် အောင်မြင်မှုကိုသွားနေတဲ့လမ်းမှာတော့ ဆင်းရဲမှုကိုကြောက်နေလို့ မရပါဘူး။ ဥပမာ ပြောရရင် တစ်လကို ပုံမှန်လစာလေးရနေတဲ့သူက အခြေအနေလေးပျက်သွားမှာစိုးလို့ ကိုယ်ပိုင်အလုပ်လုပ်တာတွေ၊ စွန့်စားတာတွေမလုပ်ဘဲ ဒီတိုင်း လခစားဝန်ထမ်းလုပ်နေမယ်ဆိုရင်တော့ ဘယ်တော့မှ အောင်မြင်တော့မှာ မဟုတ်ပါဘူး။ အောင်မြင်ချင်ရင် ဆင်းရဲမှာ မကြောက်သင့်ပါဘူး။ ဒါပေမယ့် ဆင်းရဲခြင်းမှာပဲ သာယာနေလို့လည်း မဖြစ်ပါဘူး။ လုပ်ရဲကိုင်ရဲ ရပါမယ်။ ဒါပေမယ့် မျက်လုံးမှိတ်ပြီး ကံစမ်းတာမျိုးမဟုတ်ဘဲ ကိုယ့်အစွမ်းအစကိုလည်း အားကိုးရပါမယ်။

(၃) အသက်အရွယ်တွေ။

အောင်မြင်ချင်တဲ့သူတစ်ယောက်ဟာ လက်ရှိရှိနေတဲ့ အသက်အရွယ်တွေကို မေ့ထားလိုက်ပါ။ အသက်ငယ်သေးလို့ သင်ယူစရာတွေရှိသေးတယ်၊ အောင်မြင်မှုနောက် မလိုက်သင့်ဘူးလို့လည်း မယူဆသင့်ပါဘူး။ အသက်ကြီးသွားလို့လည်း အချိန်မရှိတော့ဘူး၊ ဒီအတိုင်းလေးပဲ ဘဝကို ဖြတ်သန်းလိုက်ရမယ်ဆိုတာမျိုးလည်း မတွေးသင့်ပါဘူး။ ဇူကာဘတ်လိုမျိုး အသက်ငယ်ငယ်နဲ့ အောင်မြင်မှုနောက်ကိုလိုက်ပြီး အောင်မြင်နိုင်သလို ဂျက်မားလိုလည်း အသက်အရွယ်ရမှ အောင်မြင်မှုလမ်းကို စလျှောက်လည်း အချိန်မှီပါသေးတယ်။ အသက်တွေကိုမေ့ပြီး လုပ်စရာရှိတာကိုပဲ အာရုံစိုက်လုပ်ပါ။

(၄) ဆုံးရှုံးမှုဒဏ်တွေ။

လူတွေက အရှုံးကို အရမ်းကြောက်ပါတယ်။ အရှုံးဆိုတာကို အဆုံးသတ်လှို့ ထင်ကြပါတယ်။ တကယ်တော့ ဆုံးရှုံးခြင်းဆိုတာ အဆုံးသတ်တစ်ခုမဟုတ်ပါဘူး။ အမြဲတမ်း ပြင်ဆင်ဖို့ အခွင့်အရေးတွေ ရှိနေပါတယ်။ နောက်ပြီး အောင်မြင်ခြင်းလမ်းမပေါ်မှာ မကြာခဏဆိုသလို တရင်းတနှီးတွေ့ရမှာလည်း အရှုံးဒဏ်တွေဆိုတာ မေ့မထားသင့်ပါဘူး။

(၅) တစ်မူထူးတယ်ဆိုတဲ့ မှတ်ချက်တွေ။

အများနဲ့မတူဘဲ တစ်ခုခုထူးခြားနေရင် ပုံမှန်မဟုတ်တဲ့သူ၊ ရူးကြောင်ကြောင်လူလို့ ထင်ခံရတာမျိုးတွေ ရှိပါတယ်။ ဒီလိုထင်ခံရမှာ ကြောက်ပြီးတော့ပဲ အတော်များများဟာ ကိုယ့်ရဲ့ပုံစံအတိုင်း မနေတော့ဘဲ အများနဲ့ သဟဇာတဖြစ်အောင် နေလိုက်ပါတော့တယ်။ အဲဒီ့မှာတင် အများထဲက အများတစ်ယောက်ဖြစ်ပြီး သာမန်လူတစ်ယောက်သာ ဖြစ်သွားပါတော့တယ်။ လူတိုင်းလုပ်တဲ့အလုပ်တွေပဲ လုပ်ပြီး၊ လူတိုင်း တွေးတဲ့အတွေးတွေနဲ့သာ ကျေနပ်လိုက်ပါတော့တယ်။ ဒီအကြောက်တရားကို ရင်ဆိုင်ပါ။ အရူးလို့ အထင်ခံရလည်း ကိုယ့်ပုံစံ၊ ကိုယ့်အတွေးနဲ့သာနေပါ။ ဒါဟာ သင့်ပုံစံနဲ့သင် အောင်မြင်ဖို့ အခွင့်အလမ်းပါပဲ

(၆) လူတွေရဲ့အကြည့်တွေ။

လူတွေရဲ့ အကြောက်ဆုံးအရာတစ်ခုက တခြားသူတွေရဲ့အကြည့်တွေပါပဲ။ အကြည့်ဒဏ်တွေအောက်မှာ ငါဘာများမှားသွားလေမလဲ ဆိုတဲ့ အတွေးဟာ ကိုယ့်ကိုယ်ကို တကယ်ဖိစီးစေပါတယ်။ လူတွေရဲ့ ထင်မြင်ယူဆချက်ကို ဂရုတော့စိုက်ပါ။ ဒါပေမယ့် လိုက်ပြီး ခံစားမနေပါနဲ့။ ကိုယ်မှားတယ်ထင်ရင် ပြန်ပြင်လိုက်ပါ။ ပြန်ပြင်ခွင့်ရှိပါတယ်။ ကိုယ်မှန်တယ်ထင်ရင် ဆက်လုပ်လိုက်ပါ။ သင့်ရဲ့ ဆုံးဖြတ်ချက်တိုင်းဟာ သင့်ဘဝကိုပဲ သက်ရောက်စေမှာပါ

(၇) အောင်မြင်ခြင်းတွေ။

လူတော်တော်များများကို အောင်မြင်ချင်လားလို့ မေးလိုက်ရင်တော့ အောင်မြင်ချင်ပါတယ်လို့ ဖြေကြမယ့်သူများပါတယ်။ ဒါပေမယ့် အောင်မြင်ရမှာကို ကြောက်တဲ့သူတွေ အတော်များပါတယ်။ အောင်မြင်ရမှာ ကြောက်တဲ့သူတွေဟာ ဘယ်လိုလူတွေလဲဆိုတော့ အပြောင်းအလဲကို မကြိုက်တဲ့သူတွေ၊ စိန်ခေါ်မှုကို မလိုလားတဲ့သူတွေ၊ လက်ရှိအနေအထားလေးမှာပဲ ရောင့်ရဲတင်းတိမ်နေတဲ့သူတွေ။ ဒီလိုလူတွေဟာ အောင်မြင်ရမှာကို ကြောက်ကြပါတယ်။ ဒီတော့ အခြေအနေတွေကို ပြောင်းလဲပစ်လိုက်ပါ။ ကိုယ်ဖြတ်သန်းနေရတဲ့ဘဝဟာ အောင်မြင်ဖို့ ထိုက်တန်ပါတယ်။
________________
ရွှေညာမောင် (Focus Youth E-magazine)

အဆင်ပြေပါစေ..


မောင်ပေါက်< Knowledge Note >
www.maungpauk.org



Soft : Mb

UserCloud Download Link

Tusfiles Download Link

Mediafire1 Download Link



အောင်မြင်ခြင်း လမ်းမပေါ်က အကြောက်တရားများ.. Title : အောင်မြင်ခြင်း လမ်းမပေါ်က အကြောက်တရားများ..
Description : အကြောက်တရားဆိုတာ နေရာတိုင်းမှာရှိပါတယ်။ ဒါပေမယ့် ဒီကြောက်တဲ့စိတ် ကို ရင်မဆိုင်ဘဲ ရှောင်ပုန်းနေမ...
Rating : 5

Post a Comment

Download လုပ်ဖို့ Link ကိုနှိပ်ရင် adf.ly or adfoc.us တစ်ခုခုကိုရောက်မယ်.. ညာဘက်အပေါ်ထောင့်နားမှာ 5/6 စက္ကန့်စောင့်ပြီးရင် SKIP AD သို့မဟုတ် Skip ကိုနှိပ်ရပါမယ်.. ဒါဆိုရင် ဖိုင်တင်ထားတဲ့လင့်ကိုရောက်ပါပြီ... အဆင်မပြေတာများအတွက် Comment ပေးခဲ့ပါ.