Advertise Here !



တစ်ခါတုန်းက သိပ္ပံပညာရှင်ကြီး သောမတ်စ်အက်ဒီဆင်ဟာ သူ့ရဲ့ လက်ထောက်တစ်ယောက်နဲ့အတူ စမ်းသပ်ခန်းထဲမှာ တီထွင်မှုတစ်ခုအတွက် စမ်းသပ်မှုပေါင်း အကြိမ်ရေ ၇၀၀ ကျော်လုပ်ခဲ့တယ်တဲ့။ စမ်းသပ်မှုတွေအရမ်းများလာတဲ့အခါ သူ့ရဲ့ လက်ထောက်ဖြစ်သူဟာ သူလုပ်နေတဲ့နည်းလမ်းတွေအပေါ် ယုံကြည်မှုမရှိတော့ပဲ သံသယဝင်လာပါတယ်။ စိတ်ဓါတ်တွေလည်း ကျလာပါတယ်။

"ဒါတွေအားလုံးက အမှားတွေ။ တလွဲတွေ" လို့ အက်ဒီဆင်ကို စောဒကတက်ခဲ့ပါတယ်။ အဲဒီ့အချိန်မှာ အက်ဒီဆင် ပြောခဲ့တာတော့
အမှားဆို အချိန်ဖြုန်းတာ မဟုတ်တဲ့အကြောင်း။ ဒီစမ်းသပ်မှုနဲ့ပတ်သက်ပြီး သူဟာ မဖြစ်နိုင်တဲ့နည်းလမ်းတွေကိုသာ သင်ယူခဲ့တာဖြစ်ကြောင်း၊ အမှားတွေက ယူတတ်မယ်ဆိုရင် အကောင်းဆုံး ပညာရေးဖြစ်ကြောင်း ဆိုပါတယ်။ ဒီစကားနဲ့တင် သူ့ရဲ့လက်ထောက်ဟာလည်း သူနဲ့အတူ ယုံယုံကြည်ကြည်ပဲ စမ်းသပ်မှုတွေကို ဆက်လုပ်ခဲ့ပါတယ်

ကျွန်တော်တို့အားလုံးရဲ့ ဘဝမှာလည်း အမှားတွေ ကိုယ်စီရှိပါတယ်။ စိတ်မကောင်းစရာတစ်ခုကတော့ အမှားဆိုတဲ့အရာကို ဘဝမှာ ကံဆိုးမှုအနေနဲ့သာ သတ်မှတ်လိုက်ကြပြီး ဝမ်းနည်းစရာ၊ နောင်တရစရာအဖြစ်သာ အဆုံးသတ်လိုက်ကြပါတယ်။
တစ်ချို့ကတော့ ကိုယ်လုပ်ခဲ့တဲ့အမှားတွေကို မသိကျိုးနွံပြုပြီးပဲ ဆက်လျှောက်ခဲ့ကြပါတယ်။ တကယ်ဆိုရင် အမှားတစ်ခုအတွက် အနည်းအများဆိုသလို ပေးဆပ်မှုတွေ ရှိပါတယ်။ ပေးဆပ်ပြီးပြီဆိုမှတော့ တစ်ခုခုရအောင် ယူသင့်ပါတယ်။ ဟုတ်ကဲ့.. ကျွန်တော်တို့ သင်ယူသင့်ပါတယ်။

(၁) အမှားတွေဟာ လမ်းမပေါ်က အဟန့်အတားတွေ။
---------------------------------------

အမှားတွေ၊ ကျရှုံးမှုတွေဟာ သင့်ရဲ့ အောင်မြင်မှုလမ်းမပေါ်မှာ မကြာခဏဆိုသလို တွေ့ရမယ့် အရာတွေပါပဲ။ ဒီအရာတွေဟာ Block တုံး တွေနဲ့တူပါတယ်။ တစ်ချို့အတုံးတွေက ကြီးမယ်၊ တစ်ချို့အတုံးတွေက သေးမယ်။ ဒီအရာတွေကို သင့်ကို ရှေ့မရောက်အောင်၊ သွားရတာခက်အောင် လုပ်ကောင်းလုပ်ပါလိမ့်မယ်။ ဒါပေမယ့် ဒီအရာတွေကို ရွေ့သွားမလား၊ ဒါတွေကိုသုံးပြီး အမြင့်ကိုတောင် တက်ပြမလား ဆိုတာတော့ သင့်ရွေးချယ်မှုပါ။ ဘယ် block တုံးကမှ သင့်ကို လဲကျအောင် မလုပ်နိုင်ပါဘူး

(၂) အမှားတွေက ကြောက်စရာမဟုတ်ဘူး။
------------------------------------

အမှားတွေက သင်တို့ထင်ထားသလို ကြောက်စရာမကောင်းပါဘူး။ ဒါပေမယ့် ခုံမင်စရာလည်း မကောင်းပြန်ပါဘူး။ (ဆက်တိုက်တော့ မှားမနေသင့်ပါ။) မှားတယ်လို့ သိလိုက်ရင် ကိုယ့်ကိုယ်ကို ဝန်ခံလိုက်ပါ။ ဒီအတိုင်းပဲ ကျော်ခွသွားမယ်ဆိုရင် သင်ယူရမယ့်အခွင့်အရေး ဆုံးရှုံးသွားပါလိမ့်မယ်။ ခံစားနေမယ်ဆိုရင်လည်း သင် စိတ်ပင်ပန်းတာပဲ အဖတ်တင်ပါလိမ့်မယ်။

(၃) နောင်တရမှာလား?
--------------------

နောင်တဆိုတာ သင့်ကို အကျိုးမပြုနိုင်မယ့် ခံစားချက်မှန်း သင်သိထားရပါမယ်။ သင်ကိုယ်တိုင် ပြုပြင်လို့လည်းမရတော့တဲ့ အရာတစ်ခုက သင့်ကို ဆက်ပြီး ထိုးနှက်နေမယ်ဆိုရင် အရှုံးပေါ်ကိုမှ အရှုံးတွေထပ်ဆင့်နေပါမယ်။ စိတ်ကိုလျှော့လိုက်ပါ။ ပြီးခဲ့တာတွေ ပြီးပါပြီ။ သင့်ရှေ့မှာ အနာဂတ်တွေရှိသေးသလို၊ ပြင်ဆင်နိုင်မယ့် အခွင့်အရေးတွေလည်း ရှိပါသေးတယ်။ အရင်းအနှီးများတဲ့ သင်ခန်းစာတစ်ခုအတွက် များများသင်ယူလိုက်မယ်ဆိုတဲ့ စိတ်မျိုးပဲ နှလုံးသွင်းထားပါ။

(၄) မယူတတ်ရင်တော့ အရှုံး။
-------------------------

အမှားတစ်ခုအတွက် ပေးဆပ်မှုတစ်ခု ရှိပါတယ်။ ဒီပေးဆပ်မှုဟာ တစ်ခါတစ်လေ မသိသာပေမယ့် တစ်ခါတစ်လေ ကြီးမားပါတယ်။ ဒီတော့ အမှားတစ်ခု၊ အရှုံးတစ်ခုထဲကနေ သင်ခန်းစာတွေ ယူတတ်ရပါမယ်။ မယူတတ်မှသာ သင့်ရဲ့အမှားဟာ တကယ့် ဆုံးရှုံးမှုဖြစ်ပါတယ်။

လူညံ့တွေက မှားလို့မှားသွားမှန်းတောင် မသိဘူး။ သာမန်လူက အမှားတွေကို မသိကျိုးနွံ့ပြုတယ်။ လူတော်ကတော့ အမှားတွေထဲကနေ သင်ယူတယ်။ ပညာရှိကတော့ သူများအမှားတွေကိုတောင် သင်ခန်းစာအဖြစ်ထားတယ်။

သင် ကျူးလွန်ခဲ့တာ အမှားလား? တစ်ခုခုရအောင် ယူလိုက်ပါ။

ရွှေညာမောင် (Focus Youth E-magazine)
အဆင်ပြေပါစေ..

မောင်ပေါက်< Knowledge Note >
www.maungpauk.org



Soft : Mb

UserCloud Download Link

Tusfiles Download Link

Mediafire1 Download Link



Axact

MaungPauk

အပမ်းမကြီးရင် ကြော်ငြာလေးတွေ နှိပ်ခဲ့စေချင်ပါတယ်..

Post A Comment:

0 comments:

Please click on advertisement !